رئيس جامعة الفيوم يقرر منع المنتقبات من دخول الامتحانات!!

[إنسان]

طلبة فور فيوم
في تطور خطير لقضية النقاب ، قرر مجلس جامعة الفيوم منع الطالبات المنتقبات من دخول الامتحانات بنقابهم وكذلك منعهم من السكن بالمدينة الجامعية مع السماح بدخولهم الجامعة بعد كشف وجوههم أمام من فرد الأمن الذي يقوم بالتفتيش على أبواب الجامعة وجاء نص القرار " عدم دخول المنتقبات المدن الجامعية وعدم السماح لهن بدخول الامتحانات وهن منتقبات ، مع السماح لهن بدخولهن الحرم الجامعى بعد الكشف عن وجوههن للقائم بالتفتيش ."
كما أصدر المجلس توجيهاته بضروروة التركيز على الأنشطة الطلابية في مواجهة التطرف وباء شخصية قادرة على الحوار والتعامل مع المشاكل المجتمعية
هذا ومن المتوقع ألا يحظى قرار رئيس الجامعة بالقبول في الأوساط الطلابية وربما يثير سخطهم ويحاولون اجهاضه بشتى السبل خاصة بعد أن أفاد بعض المختصين بالقانون أن قرار منع النقاب غير قانوني ووصفوا منع النقاب بالتعسف والمبالغة وأن القانون يتيح للطالبات الحق في ارتداء ما يشاءون وليس للجامعة سوى التحقق من شخصياتهم
وهذا رابط لكل قرارات المجلس في جلسته رقم 45
http://fayoum.edu.eg/FUDecision/FUDecision1010.aspx

[إنسان]

هل مازال عندنا بعض رجولة
!!!

بعيدا عن التعصب والكلمات التي لا بتقدم ولا بتأخر دعونا نجد حلولا وطرق للضغط على الجامعة

[ام الشهداء]

هو فيه اكيد طرق بس يتري كله هيساعد في تنفيذ الافكار انا مثلا اول ما عرضت فكرتي علي صحباتي ايام ما رفضوا يدخلوا المنقبات المدينه الجامعيه وجدت هجوم فظيع منهم كان الاقتراح ان اننا كلنا ننتقب تضمننا مع المنتقبات يوم ونقف قدام المدينه وقفه صامته تتحدث فيه عبارتنا المكتوبه علي اللوحات
فيه حل ممكن يكون اقل خيالا من الحل الاول ان نحاول نوصل صوت المنتقبات لمصادر اعلاميه كتير وجعل الموضوع قضيه رائ عام

[عاشقة الأقصى]

لو الحل ده ينفع ؟؟؟؟


المنتقبات ترفض خلع النقاب وبالتالي هيتمنعوا من دخول الامتحان
واحنا نجمع عدد كبير جدا جدا من الطلبة والطالبات
ونقف كلنا معاهم ونرفض احنا كمان دخول الامتحان حتي يدخوا المنتقبات

بس ديه هتبقي عايزة واقفه جامده

[ام الشهداء]

يا بنتي انا قلت لصحباتي كدا لقيت هجوم فظيع حسسوني اني بقولهم البسوا لبس مش كويس

[ashek el horrya]

الموضوع محتاج ضغط من كل الطلاب ويكون ضغط قوي ومستمر لان الامتحانات قربت

[روح الأمل]

القرار كمان للدكاترة المنقبات
وفي دكتورة عندنا لما رفضت قالو ليها هنسحب الكروس اللي بتدرسيه فدايما لابسة كمامة عالنقاب
وطبعا شكلها غريب والكل سألها وسأل طالباتها عن سبب لبسها الكمامة فوق النفاب
وقالو ليها عشان يوافقو بالنقاب تعمل كده


وانا يومها اقترحت على صديقاتي انه مثلا البنات فقط يعملو وقفة احتجاجية امام مبنى رئاسة الجامعة نناشد فيه رئيس الجامعة لالغاء القرار
لكن احد لم يردعلي

[الرميصاء]

المشاركة الأصلية كتبت بواسطة عاشقة الأقصى

لو الحل ده ينفع ؟؟؟؟


المنتقبات ترفض خلع النقاب وبالتالي هيتمنعوا من دخول الامتحان
واحنا نجمع عدد كبير جدا جدا من الطلبة والطالبات
ونقف كلنا معاهم ونرفض احنا كمان دخول الامتحان حتي يدخوا المنتقبات

بس ديه هتبقي عايزة واقفه جامده

طبعا مستحيل يكون فى عدد كبير
فى الوقفه دى
ساعتها كل واحد هيكون عايز يدخل الامتحان ملوش دعوه بالباقى






هو القرار دا منع المنقبات من الدخول نهايئا ولا بعد الحقيق فى شخصيتهم ؟؟
لو بعد التحقيق منهم طيب وفيها اى
يكون فى حجرة بها احدى الموظفات وتشوف الكارنية وتتحقق من هوايتها
وخلينا نخدهم على قد عقلهم
هم عايزين يتلككوا على النقاب
خلاص اوكى واحنا كمان نعمل اللى عايزينه
وندخل الامتحان عادى خالص
اظن دا حل كويس

[almobtasem]

اممممممممم

[حسني مبارك]

المشاركة الأصلية كتبت بواسطة الرميصاء

هم عايزين يتلككوا على النقاب
خلاص اوكى واحنا كمان نعمل اللى عايزينه
وندخل الامتحان عادى خالص
اظن دا حل كويس

حلوة جملة وإحنا كمان نعمل إللي عايزينه !!!
وكأننا في الجامعة أو في مصر كلها بنعمل إللي إحنا عايزينه بحريتنا !!!

أنا قرأت الخبر في الدستور إن ده قرار لكل الجامعات !!!

وأنا بصراحة مش عايز أكون متشائم بس للأسف أنا واثق إن القرار هيتحقق زيه زي أي قرار تافه في البلد دي !!

المقولة المشهورة بتقول " ما ضاع حق وراءه مطالب " ، وبصراحة في أيامنا دي إللي عايز يأخد حقوقه لازم يأخذها بالعافية زي بالظبط إللي الإضرابات إللي عملها عمال المصانع ...
وبالنسبة للمنتقبات لو حريصات بالفعل على النقاب يبقى لازم يتحملوا التضحية ومش هما بس كل إللي حريص على الدفاع عن النقاب والمنتقبات والحريات بصفة عامة ... ونفتكر كلمة الفيلسوف الفرنسي فولتير إللي قال " أنا أخالفك في الرأي ولكنني مستعد للموت من أجل حريتك في التعبير عنه " ...

في رأيي كل المنتقبات والمتضامن معهن يعملوا اعتصام قدام لجان الامتحانات وما يدخلوش الامتحانات إلا بعد إلغاء القرار أو ركنه على الرف وما ينزلش لأرض الواقع ، ويفضل الاعتصام ده كل يوم حتى لو هتضيع على الكل سنة والكل لازم يعرف إن الحريات لا توهب ولكنها تنتزع ..

[الفيومي]

في رأيي كل المنتقبات والمتضامن معهن يعملوا اعتصام قدام لجان الامتحانات وما يدخلوش الامتحانات إلا بعد إلغاء القرار أو ركنه على الرف وما ينزلش لأرض الواقع ، ويفضل الاعتصام ده كل يوم حتى لو هتضيع على الكل سنة والكل لازم يعرف إن الحريات لا توهب ولكنها تنتزع ..

المره دي بختلف معاك يا سيادة الرئيس

لأن الجامعه مش هتبقى متضرره في حاجه وهتستخدم سياسة (يخبطوا دماغهم في الحيط)

ايه يعني ميدخلوش الامتحانات

لما يسقطوا سنه مش هيعملوها تاني

انا شايف لو عملوا كده ده اللي هيحصل

كمان متنساش ان القرار على مستوى الجامعات يعني رئيس الجامعه مش هينفذ حتى ولو ضغطوا عليه بالساهل كده

الموضوع ده لازم يوصل للرأي العام ويبقى في ضغط من كل الجامعات

ويكون في منسق عام

لأن لو على مستوى الفيوم بس يبقى مش هيحصل حاجه

والموضوع كبير

لكن ده يحصل ازاي

الله اعلم

غير كده ممكن وقت الامتحانات الاخوات يدخلن اللجان منتقبات عادي

ويمكن محدش يقول حاجه

[حسني مبارك]

بالفعل كلامك مظبوط في إن الجامعة ممكن تستخدم سياسة يخبطوا دماغهم في الحيط بس لو عملوا كده حسب تصوري هتكون نتيجتها بالنسبة ليهم مش كويسة !! ومعاك طبعاً في إن التعامل مع الأمر لازم يكون على مستوى الجامعات كلها ...

يعني افترض معايا مثلاً 8 كليات على مستوى الجامعة في كل كلية هيعمل الاعتصام ده 100 طالب مثلاً علشان حوالي 50 منتقبة في الـ 8 كليات تفتكر الجامعة هتقدر تتعامل بالسياسة دي مع الأعداد دي كلها ؟؟

طيب لو الكلام ده كان في كل جامعات مصر في نفس الوقت فيه تصعيد إعلامي ومخاطبات لمنظمات حقوق الإنسان الدولية إللي الحكومة بتخاف منها هل تفتكر الجامعات هتقدر تستمر بنفس السياسة ؟؟
أظن هيبقى صعب قوي !!!

وبالنسبة لنقطة إن يوم الامتحانات ممكن المنتقبات يدخلن اللجان عادي هو ده المطلوب وده إللي أنا اتكلمت عليه لما قلت القرار يتركن على الرف بس بصراحة الوضع الحالي غير مبشر !!!
الأزهر فرض خلع النقاب في لجان الامتحانات لو كانت كلها فتيات وده طبعاً حاصل في جامعة الأزهر ، وكمان لازم يكون المراقبون نساء ، بس في الجامعات ما فيش لجنة مش مشتركة لأن الترتيب أبجدي ومن الصعب جداً تلاقي إللي بيراقبوا من نفس الجنس !!!
والأمر الأكثر غباء إن الجامعات فاكرة القرار ده بيحارب الإخوان رغم في ظني وبحكم مشاهدات لي في أماكن مختلفة الأخوات المنتقبات لا يمثلن حتى نصف المنتقبات على وجه العموم !!!

علشان كده أنا قلت أقتراحي وأتمنى إن التصعيد لو هيبقى موجود يكون تصعيد طلابي عام مش خاص بالإخوان بس !! لأن النقاب ده مجرد بداية والله أعلم شياطين الإنس بيفكروا يوصلوا لحد إيه ؟؟ وإللي مش مصدق يشوف تونس بيدخلوا المساجد بالبطاقة والشرطة بتنزع الحجاب [ ممكن يكون مجرد إيشارب بسيط ] من على رؤوس المحجبات في الشوراع !!!

[ام الشهداء]

الحمد لله ان سمعت انه خلاص هيسمحوا للمنقبات بدخول المدينه الجامعيه وبدخول الامتحانات بس نص الخبر مش عارفاه

[الرميصاء]

المشاركة الأصلية كتبت بواسطة الدمعه الضاحكه

الحمد لله ان سمعت انه خلاص هيسمحوا للمنقبات بدخول المدينه الجامعيه وبدخول الامتحانات بس نص الخبر مش عارفاه

للاسف الخبر دا غير صحيح بالمرة
بالرغم من نشره فى صحيفة ( لا اتذكر اسمها)
الا ان فى لقاء تلفزيونى امس اكد الوزير على قراره وهو منع المنقبات من دخول الاختبارات
وان الصحيفة التى نشرت الغاء هذا القرار كاذبة
وطبعا عميد كلية دار العلوم (ماصدق) لازم ولابد ان ينفذ الاوامر
ومازال المنقبات فى صراع فى هذا القانون الغريب









هو لو كل البنات لبست نقاب فى ايام الامتحانات اى اللى هيحصل ؟؟

[ام الشهداء]

ان هحاول اجيب القرار بتاع القضاء الاداري

[فارس الحرية]

لكنَّ الله

[الرميصاء]

خبر

الطعن على حكم عودة المنقبات للمدينة الجامعية

[مهندس باور]

حسبنا الله ونعم الوكيل والله الواحد مش عارف احنا في مصر ولا (0000)مش عارف

[ابنة الأقصي]

قرار اصلا سافر ده اولا

ثانيا بقي لما كنت بتابع حلقات برنامج الحقيقة علي دريم2 الجزء الاول والجزء التانى

لم اجد مبررا لكلام المعترضين علي النقاب الا مبررين يدور حولهم الحوار ولاسف اذا اقنعتهم بيه يعود الحوار كما كان

ولما ذهبت انا بقي استشير اصحابي المنتقبات واقولهم هيعملوا ايه عشان الامتحانات

وجدتهم مصررين علي ارتداء النقاب رغم عن الجامعة

وجدت واحدة منهم بتقول عادي خالص انا هروح الامتحان ما دخلتش هقعدهم علي باب اللجنة لغاية لما يشوفوا لي حل واذا ضغطوا عليه فخلاص مش هدخل امتحانات دينى ولا تعليمى وانا اقنعت والدى ووالدتى بكده واخوايا مواقف جدا انه ما دخلوش الامتحانات

والتانية ردت قالت لي انا نزلت لشؤؤن الطلبة وسالتهم علي النقاب قالوا هنخليكى تلبسيه طول الامتحان زي ما انتى عايزة بس اول ما يدخل مسئول ولا عميد ولا اي حد لازم ترفيعه لانه النظام كده ولازم الكل يمشي عليه....

فعلا لازم يوجد حل والي الفكرة الي مش قادرة توصل للطلبة داخل الجامعة انها مش مشكلة المنتقبات وبس

بالعكس لو الي مش منتقبات سكتوا ورضوا بالوضع مش بعيد شوية ويقولوا الي لابسين خمارات لغاية لما يقتلعوا منا حجابنا بقرارات سافرة لمن يدعون انفسهم انهم يحموننا

[ام الشهداء]

فعلا لازم يوجد حل والي الفكرة الي مش قادرة توصل للطلبة داخل الجامعة انها مش مشكلة المنتقبات وبس

بالعكس لو الي مش منتقبات سكتوا ورضوا بالوضع مش بعيد شوية ويقولوا الي لابسين خمارات لغاية لما يقتلعوا منا حجابنا بقرارات سافرة لمن يدعون انفسهم انهم يحموننا