الحق نفسك قبل ما تكون واحد منهم !!

[marwa]

طبعا أكيد بتسأل مين دول اللى ممكن تكون منهم ... صح ؟

- صح




اقول لك ..... دول بقى10 مليون مصاب بالالتهاب الكبدى الوبائى تسمع عنه ؟



-آه أسمع بس بصراحة مش اعرف عنه كتير ايه هو بقى ؟

بص يا سيدي

-بصيت

التهاب الكبد ده مرض بيصيب كبد الإنسان نتيجة الإصابة بالفيروس وانت عارف الكبد ده مهم بالنسبة لنا قد ايه



- آه طيب أنا سمعت انهم كذا فيروس

فعلا هم 7 فيروسات A,b,c,d,e,f,g



- بس أن مسمعتش غير عن A,b,c

- ما هى الانواع دى هى اللى منتشرة



- طيب وده خطر يعنى ؟

- طبعا ده ممكن يؤدى لتليف الكبد وبالتالى الكبد مش هيقوم بوظايفه " ربنا يعافيك ويعافينا"



- طيب وهى وظايف الكبد دى مهمة ؟

- طبعا مهمة جدا الكبد ده أكبر مصنع فى جسم الإنسان له حوالى 300 وظيفة ومن غير الكبد حياة الإنسان بتنتهى
شوف انت بقى لما جسمك يفقد 300 وظيفة كان عضو واحد بيأديهم



-طيب انا فى ايدي ايه يعنى ؟

- يا عم سهلة كل الموضوع انك تعمل احتياطك وتتوكل على الله



- طيب اعمل ايه يعنى؟

- جينا للمهم

بكل بساطة تغسل ايدك كويس قبل الاكل وتشرب مية نقية وطبعا بلاش الاكل غير المضمون

وكدة انت فى المضمون وفيروس A عمره ما هيجي لك



- طيب وباقى الفيروسات ؟

- بص B و C بيتنقلوا عن طريق الدم لكن برده سهلة

فيروس B تاخد التطعيم بتاعه وتتجنب تلامس اى دم وكمان طبعا مينفعش تستخدم

الأدوات الشخصية لغيرك وأى حاجة ممكن توصل لدمك لازم تتأكد من سلامتها



- زي ايه يعنى ؟

-زي امواس الحلاقة وفرش الاسنان والحقن والدبابيس



-طيب هو مفيش تطعيم لفيروس C ؟

- للأسف مفيش فلازم تاخد بالك وتحافظ على نفسك

ومفيش قدامك اختيار لان دى سلامة جسمك

وجسمك امانه هتتحاسب عليه

[نبض الحياة]

بارك الله فيكى " Marwa "

وجزاكى ربك عنا كل الخير

ويارب يعمر القسم الطبى بيكى يارب

شكر كبير لكى

والى الأمام دائما

طرحك رائع للمعلومات الطبية

بجد أفدتينا

[marwa]

وفيكِ بارك الله اختنا الفاضلة نبض الحياة

وشكر الله لك مرورك الجميل الذى اسعدنى كثيرا

[المشتاق إلى بلدة]

جزاكم الله خيراً اختي على هذا الموضوع
ومشكورة كتير

[ام الشهداء]

جزاكم الله خيرا نفع الله بكي
يالا نشطو ساحه كليه طب كدا

[روح الأمل]

ربنا يعافينا ويحفظنا

[ملك القلوب]

جزاكي الله خيرا اختي marwa علي الموضوع المميز

وبارك الله فيكي

[رحومه]

ربنا يجزيكى خير اختى الكريمه
ويا ريت حضرتك تقولى لنا اعراض الاصابه بهذا الفيروس

وهل هناك علاج له ام لا
لانى اعرف واحد ربنا يشفيه عند الفيروس ده وكان عمل تحليه وعد الفيروسات كان تقريبا 60000وكان بياخد الحقنه فى معهد الكبد وبعد فتره كبيره 12 شهرتقريبا عمل تحليل تانى ولقى ان عدد الفيروس بيزيد بشكل كبير
ولكن ايضا اعرف واحد كان عنده الفيروس وربنا شفاه تماما واخر تحليل عمله كان عدد الفيروس zero

فيا ريت حضرتك تقولى لنا ازاى اعرف ان الشخص مصاب بالفيروس فى وقت مبكر وما هو العلاج

وجزاكم الله خير

[مصطفى الديب]

عرض رائع ومعلومات قيمة وسهلة
جزاكم الله خيرا

[رحومه]

يعنى ماحدش عبرنى ولا رد على

[عاشقه الفردوس]

جزاكي الله خيرا

[mero]

شكراااااااااااا جزيلاااااااااااااااااااااااااااا

د-مروة ربنا يكرمك ويجزيك كل خير